Jaane jahan

Kya haseen pal hai woh,
tum mere jab saath ho to :)
Ek baar jo tum dekh bhi lo,
Chhoo jati hai woh nazar dil ko.
Tamanna hai shuru tum se,
dil ki har aarzoo bhi tum se.
Khyalon mein hamesha tum,
guftagoo mein bhi tum hi tum.
Karoon main aur kya bayan
tum to ho mere jaane jahan.

Duriyaan

Woh giri barish ki ek boond upar se
aur idhar bhi tapak padi aankhon se hokar gaalon par
Ehsas hua achanak tabhi ye to picchle saal ke aanshu the
jo tab nikal hi na paye the....
Wahin kahin palko mein chhup kar baithe rahe
aur aaj na jaane kyun bas nikal pade the..
Mann ki asmanjas mein un lamhon se phir ek baar naata bana baithe
Ae khuda hum bewajah phir ek baar khud ko hi bhula baithe